Әлмәтнең футбол буенча спорт мәктәбе

Тасвирлама:
Татарстанның көньяк-көнчыгышындагы иң эре футбол мәктәбендә ел дәвамында футбол, авыр атлетика белән шөгыльләнү өчен барлык шартлар да тудырылган.
Эш вакыты:
08:00 – 20:00
Телефон:
- 8 (8553) 32-55-22
Адресы:
ТР, Әлмәт ш., Белоглазов ур., 62 а

Әлмәт муниципаль районының «Футбол буенча балалар-яшүсмерләр спорт мәктәбе» өстәмә белем бирү муниципаль автоном учреждениесе Татарстанның көньяк-көнчыгышындагы иң эре футбол мәктәбе булып тора, ул 2009 елда «АЛНАС» футбол клубы базасында оештырылган, үз карамагында бик яхшы матди-техник база бар. Бүгенге көндә балалар-яшүсмерләр спорт мәктәбендә 697 бала шөгыльләнә, шуларның 633 е «футбол» юнәлеше буенча һәм 64е «авыр атлетика» юнәлеше буенча. Учреждениенең гамәлгә куючысы һәм милекчесе - «Әлмәт муниципаль районы» муниципаль берәмлеге. Гамәлгә куючы функцияләрен һәм вәкаләтләрен «Әлмәт муниципаль районы» муниципаль берәмлеге исеменнән Әлмәт муниципаль районы башкарма комитеты башкара. Учреждение Татарстан Республикасы Әлмәт муниципаль районының физик культура, спорт һәм туризм идарәсенә буйсына.