Әлмәттә триатлон буенча Россия чемпионаты узачак
Ярышлар берничә категориядә узачак. Триатлон буенча Россия чемпионаты Әлмәттә 7-9 августта узачак.
Россия триатлон Федерациясе чемпионатны үткәрүнең яңа даталарын раслады, дип хәбәр итә Татарстан спорт министрлыгы матбугат хезмәте.
Ярышлар берничә категориядә узачак: олылар, 23 яшькә кадәр һәм яшүсмерләр.
Беренче стартлар 8 августта яшүсмер кызлар арасында булачак, бер сәгатькә соңрак яшүсмер егетләр старт алачак.
Шимбә программасын хатын-кызлар (18-23 яшь), ә аннары ир-атлар (18-23 яшь) дәвам итәчәк.
9 августта Россия чемпионаты һәм беренчелеге кысаларында эстафета командалары арасында ярышлар, шулай ук 15-17 яшьлек егетләр һәм кызлар арасында Бөтенроссия ярышлары узачак.
Следите за самым важным и интересным в Telegram-каналеТатмедиа