Татарстан аграрийларын мөгезле эре терлекләрне идентификацияләү буенча бушлай вебинарга чакыралар
Ул «Агрополия» бердәм белем бирү платформасында оештырыла.
Татарстан аграрийлары чираттагы бушлай вебинарда катнаша ала, ул «Агрополия» бердәм белем бирү платформасында уза. Бу хакта Татарстан Республикасы Авыл хуҗалыгы һәм азык-төлек министрлыгының матбугат хезмәте хәбәр итә.
Вебинар авыл хуҗалыгы предприятиеләрендә мөгезле эре терлекләрне идентификацияләүгә багышланачак. Катнашучыларга терлекләрне идентификацияләү ни өчен кирәк, биркалау процессы ничек уза һәм мөгезле эре терлекләрне алдан теркәү өчен мәгълүматларның ничек кертелүе турында сөйләячәкләр. Укулар бүген 12.00 сәгатьтә башлана. Катнашу өчен «Агрополия» порталында яки 88005502441 номеры буенча теркәлергә кирәк. Теркәлү үткәннәр узган семинарларны карый һәм вебинар вакытында сораулар бирә алачак.
Следите за самым важным и интересным в Telegram-каналеТатмедиа
Оставляйте реакции
