Әлмәттә 19 мартта авыл хуҗалыгы ярминкәсе узачак

Бу шимбәдә, 19 мартта Әлмәттә авыл хуҗалыгы ярминкәсе узачак. Ул Әминов урамы буенча базар территориясендә урнашачак һәм 8.00- 11.00 сәгатькә кадәр дәвам итәчәк. Чара турында район башлыгы Тимур Нагуманов телеграмда җиткерде.
⠀
"Безнең фермерлар барлык төр ит, казылык әйберләре, сыр, йомырка, яшелчә һәм җиләк-җимеш, икмәк-булка әйберләре, он, бал һәм башка күп кенә әйберләрне тәкъдим итә. Азык – төлек җитәрлек күләмдә китерелә, дефицит турында борчылмаска мөмкин", - дип хәбәр итте Нагуманов.
⠀
Ярминкәләрнең язгы сезоны 23 апрельгә кадәр барачак, дип хәбәр итте ул. Җитештерүчеләр халыкка үз продукцияләрен кулай бәяләрдән тәкъдим итәчәк.⠀