“Оныгың белән нинди телдә сөйләшәсең?”: мәчетләр халыкны махсус нәсихәтле язулар белән каршылый
Халыкта дини-милли үзаң тәрбияләү максатыннан Татарстан мәчетләрендә нәсихәт язулары элеп куелды.
Махсус бастырылган плакатларда “Оныгың белән нинди телдә сөйләшәсең?” дигән сүзләр китерелә. Алар ТР Президенты каршындагы Татар телен саклау һәм үстерү комиссиясе рәисе, ТР Дәүләт Советы рәисе урынбасары Марат Әхмәтов тәкъдиме белән республика мәчетләренә озатылды һәм шушы көннәрдә имамнар аларны кабул итеп урнаштыра башлады. Мәчетләрдә һәм мәчет тирәләрендә элеп кую өчен махсус плакатлар туган телне саклау һәм халыкта милли үзаң дәрәҗәсен үстерүгә хезмәт итәргә тиеш. Бу хакта Татарстан республикасы мөселманнарының диния нәзарәте хәбәр итә.
Фото: ТР мөселманнарының диния нәзарәте
Следите за самым важным и интересным в Telegram-каналеТатмедиа