Әлмәт районы башлыгы Тимур Нагумановның Ураза бәйрәме уңаеннан котлавы
Хөрмәтле мөселманнар, кадерле Әлмәт районы халкы!
Сезне Рамазан ае тәмамлану һәм иң зур бәйрәм-Ураза бәйрәме башлану белән котлыйм! Бу бәйрәм көне рухи чистарыну, гафу итү, игелек һәм шәфкатьлелек, ярдәм итү, тынычлык сөюнең чагылышы булып тора. Барлык традицион диннәр тарафыннан сакланган мәңгелек кыйммәтләр хөрмәткә лаек. Бу күпмилләтле Татарстанга дус, бердәм яшәргә һәм үсәргә мөмкинлек бирә.
Бу бөек көнне мин һәр йортта мәхәббәт, игелек, иминлек, күңел гармониясе һәм нык сәламәтлек саклануын телим. Һәр кешенең тормыш юлы игелекле эшләр, тирә-юньдәгеләр турында кайгыртучанлык һәм игелек белән тулсын. Ураза бәйрәме безне рухи тынычлык, Аллаһы Тәгаләнең рәхмәте, туганнары һәм якыннары белән кыйммәтле очрашулар, буыннан-буынга күчеп килүче матур традицияләр белән бүләк итсен.
Сезгә һәм Сезнең йортыгызга тынычлык һәм иминлек телим! Ураза бәйрәме белән!
Әлмәт муниципаль районы башлыгы,
Тимур Нагуманов
Следите за самым важным и интересным в Telegram-каналеТатмедиа