Аллаһ юлына тәүге адымнар
Тормышыбыз, белемебез, өебез - барысы да нигезле, ныклы булырга тиеш. Мөселман кешесенең нигезе - ул иман.
Аллаһы Тәгаләнең юлына тәүге адымнарын ясаучы, динебез Ислам турында күбрәк мәгълүматлы булырга омтылучы, кызыксынучы, намазны дөрес өйрәнергә теләүче кешеләр өчен Әлмәт мөхтәсибәте тарафыннан оештырылган «Ислам. Бе-ренче адымнар» дип аталган интенсив-курслар 19 март көнне тәмамланды. Ислам нигезләренә һәм намаз укырга 43 кеше өйрәнде.
«Ислам. Беренче адымнар» проекты - кыска вакыт эчендә Ислам нигезләрен үзләштереп, намаз укырга өйрәнүне максат иткән чара. Тыңлаучылар 4 дәрес эчендә - атнага бер тапкыр - тәһарәт, намаз серләренә төшенәләр.
Белем бирү татар һәм рус телләрендә ир-атлар һәм хатын-кызлар өчен аерым алып барылды. Дәресләрне мөхтәсибәт белгечләре һәм хәзрәтләр бирде.
Тәмамлану тантанасында проектта катнашучыларга шаһәдәтнамәләр, шулай ук истәлекле бүләк - хатын-кызларга намаз уку күлмәк-ләре, ирләргә намазлыклар тапшырылды.
Остазларга, ярдәм күрсәтү-челәргә Рәхмәт хатлары белән тәмле күчтәнәчләр бирелде.
Һәрбер остаздан, имамнан, ярдәм итүчеләрдән Аллаһ разый булсын.
Шәкертләргә хәерле һәм дәвамлы гыйлемнәр телибез.
Рузил хәзрәт Ихсанов
Следите за самым важным и интересным в Telegram-каналеТатмедиа
Оставляйте реакции
