Бу көнне гөнаһларның кичерелүен сорау мөһим
Корбан бәйрәме алдыннан булган Гарәфә көне зөлхиҗҗә аеның 9 нчы көне булып санала. Милади календаре буенча быел бу көн пәнҗешәмбе – 30 нчы июльгә туры килә.
Расүлебез салләллаһу галәйһи вә сәлләм моның хакында:
«Гарәфә көнне ураза тотучы кешегә Адәм галәйһиссәламнән алып, сурга өрелгәнче җир йөзендә яшәгән кешеләр санынча савап язылыр», – дип әйткән.
Бу көнне уразада, догада булып, гөнаһларның кичерелүен сорау мөһим. Аллаһының ярлыкавына, рәхмәтенә ирештерә торган төннәрне, көннәрне гыйбадәттә, зикердә, намазда, Коръән белән берлектә үткәрергә тырышыйк, дуслар!
Расүлебез галәйһиссәлам: «Әгәр берәү Гарәфә көнендә «Бисмилләһ» әйтеп, «Ихлас» сүрәсен укыса, аның барлык гөнаһлары ярлыканыр һәм догалары кабул булыр», – дип әйткән.
Следите за самым важным и интересным в Telegram-каналеТатмедиа
Оставляйте реакции
