Коронавирусның икенче дулкыны кайчан көтелә?

Салкыннар башлангач, көзен Россиядә коронавирусның икенче дулкынын да көтәргә мөмкин. Бу хакта РФ Сәламәтлек саклау министрлыгының баш инфекционисты Владимир Чуланов белдергән. Ул көзен авырулар саны арту мөмкинлеге барлыгын әйтә, чөнки бу вакытта укучылар, студентлар укый башлаячак, хезмәт коллективлары формалаша, шулай ук ял итүчеләр дә кайтачак.

Баш инфекционист фикеренчә, күпләрнең вируска карата иммунитет алуы, профилактика чараларына җитди каравы инфекциянең йомшаруына ярдәм итәчәк.