"Татнефть" Татарстанның көньяк-көнчыгышында ашыгыч ярдәмне ягулык белән тәэмин итәчәк

Компаниянең генераль директоры Наил Маганов бу хакта болай ди:

«Без көньяк-көнчыгыш төбәкнең ашыгыч ярдәм машиналарын АЗС челтәреннән бензин һәм дизель ягулыгы белән тәэмин итү турында карар кабул иттек. Бүген Лениногорскида техникага ягулык сала башлыйбыз, аннары тәҗрибә Әлмәт районында да таратылачак. Бу медицина учреждениеләренең янга калдырылган акчаларын персоналга өстәмә түләүләргә, кирәкле җиһазлар һәм саклану чаралары сатып алуга китсен өчен эшләнә. "Татнефть" бу катлаулы хәл тәмамланганчыга кадәр ярдәм итәчәк".

Элегрәк "Татнефть" "ТАНЕКО " заводында антисептик препаратлар җитештерә башлаган иде, шулай ук шәхси саклану чаралары – битлек һәм костюмнар тегүгә кереште. Табиблар өчен кирәкле җиһазлар комплектлары республиканың көньяк-көнчыгышындагы медицина учреждениеләренә тапшырылды.