Әлмәт районында вакцинация дәвам итә

Шәһәр һәм район җитәкчесе сүзләренә караганда, коронавирус белән көрәш — бик озак процесс, аңа муниципалитет узган ел ук кушылган. Быел төп бурыч-вакцинация.

«Вакцина ясалган лкән яшьтәге халыкның 60% ы минималь иммунитетны булдырырга мөмкинлек бирә. Иң мөһиме Covid-19 каршы көрәштә -бу вакцинация эше. Башка вариант юк, калганы — практика белән расланмаган фантазияләр», - дип билгеләп үтте Тимур Нагуманов һәм элек пандемияләр шулай ук вакцинация ярдәмендә генә беткән, дип өстәде.

Бүген Әлмәт районында прививканы районның барлык медицина учреждениеләрендә, шулай ук эре сәүдә үзәгендә ясарга мөмкин — бу урын шәһәр халкы арасында бик популяр. Моннан тыш, кайбер предприятиеләрдә матди кызыксындыру яки өстәмә яллар каралган, баш санитар табиб коллективлар белән очрашулар үткәрә.

Авыл җирлекләре буенча агитбригадалар бара - анда катнашучылар, килеп, вакцинация турында барысын да сөйлиләр һәм җирле халык шунда ук прививка ясата ала. Шулай ук массакүләм чараларда вакцинацияләүнең өстәмә пунктлары ачыла - алар Сабантуй, Җиңү көнен һәм башка вакыйгаларны бәйрәм итү вакытында эшләделәр.

Әлмәт районында чикләүләр кертелде — Нагуманов массакүләм чараларны санитар-эпидемиологик режимны үтәп, ачык мәйданчыкларда үткәрергә чакырды. Муниципалитет башлыгы ябык биналарны  30% тан да артмаган күләмдә тутырырга тәкъдим итте.

«Без өченче дулкын башлану ихтималы барлыгын аңлыйбыз. Безнең вакытлы госпитальдә әлегә пациентларның ажиотажы юк, ләкин әгәр без моңа кадәр мөрәҗәгатьләрнең акрынлап кимүен күзәтсәк, хәзер без акрынлап артуны күзәтәбез. Атнага бу өч-биш очракка күбрәк. Шуңа күрә мин коллегаларыма чаралар үткәрү планында мөмкин кадәр "урамга" чыгарга тәкъдим иттем, һава торышы мөмкинлек бирә бит", - диде район башлыгы.