Коронавирус
Татарстанда тагын сигез кеше Covid-19дан вафат булды
Шулай итеп, Татарстанда рәсми рәвештә теркәлгән коронавирус корбаннарының гомуми саны 963кә җиткән.
Татарстанның тагын сигез кешесе коронавирусы корбаны булган. Дүрт хатын-кыз һәм дүрт ир-атның йөрәге тибүдән туктаган. Бу хакта ТР Сәламәтлек саклау министрлыгының матбугат хезмәте хәбәр итә.
«Татарстанда коронавирус инфекциясеннән үлүнең сигез очрагы расланган", - дип хәбәр итәләр ведомствода.
Covid-19дан 1942, 1946, 1951 һәм 1955 елларда туган хатын-кызлар, 1946 (ике), 1949 һәм 1950 елларда туган ир-атлар үлгән.
"Үлем сәбәпләре патологоанатомик экспертиза нәтиҗәсендә билгеләнгән. Вирус идентификацияләнгән", — дип аныкладылар министрлыкта.
Следите за самым важным и интересным в Telegram-каналеТатмедиа