Коронавирус
Әлмәт госпиталендә коронавирустан бер ир-ат вафат булган
Бүген республикада коронавирус инфекциясеннән ике үлем очрагы расланган.
Чирмешән районында яшәүче 1952 елда туган кеше Әлмәт резерв госпиталенә китерелә, аны ике яклы пневмония белән анестезиология һәм реанимация бүлегенә урнаштырганнар. Хәле бик авыр дип бәяләнгән. Лаборатор тест нәтиҗәсендә яңа коронавирус инфекциясе булуы расланган.
1985 елда туган COVID-19 вирусы белән авырган ир-атны Казан шәһәренең вакытлы йогышлы госпиталенә салганнар. Үлемнең сәбәбе аутопсия нәтиҗәсендә билгеләнгән. Вирус идентификацияләнгән.
Туганнарының һәм якыннарының кайгыларын уртаклашабыз.
28 августка Татарстанда барлыгы COVID-19дан үлүнең 59 очрагы теркәлгән.
Следите за самым важным и интересным в Telegram-каналеТатмедиа