Әлмәттә ялган документлар буенча йөрүче хөкем ителгән

Суд билгеләгәнчә, узган елның ноябрендә, хөкем ителүче интернеттан машина йөртү таныклыгы сатып алган. Аның бәясе 20 000 сум булган. 

Аннары, 2020 елның декабрендә, Чаллы –Әлмәт автомобиль юлында «Газель» маркалы автомобиль белән идарә иткәндә, хөкем ителүче ялган документтан законсыз файдаланган, аны ТР буенча Эчке эшләр министрлыгының ЮХИДИ юл-патруль хезмәте инспекторының 3 ротасы  өлкән инспекторына күрсәткән.

Хөкем ителүче аңа белдерелгән гаепләү белән тулысынча килешкән.

Суд кылынган җинаятьнең характерын һәм иҗтимагый куркыныч дәрәҗәсен, аны кылуның конкрет шартларын, хөкем ителүченең шәхесе турында барлык мәгълүматларны, җәзаны йомшартучы һәм авыр шартлар булмавын, хөкем ителүченең төзәтүенә һәм аның гаиләсенең тормыш шартларына йогынты ясавын исәпкә алып, гаепләү карары чыгарган һәм Волгоград өлкәсендә яшәүчене РФ Җинаять Кодексы нигезендә җинаять кылуда гаепле дип табылган һәм аңа 3 айга иреген чикләү рәвешендә җәза билгеләнгән.

Хөкем карары законлы көченә кермәгән һәм аңа карата шикаять бирелергә мөмкин