Әлмәтнең полиция хезмәткәрләре зур наркотик партиясен кулга төшергән

Тикшерү версиясе буенча, җинаятьче оператив-эзләү эшчәнлеге методлары белән таныш булган һәм конспирацияне җентекләп үтәгән. Фигурант Әлмәтне сайлаган, чөнки бу шәһәрдә аның танышлары булмаган. Шәһәргә килгәч, ул берьюлы ике фатирны ала-аларның берсендә яши, ә икенчесен җинаятьчелек белән шөгыльләнү өчен куллана: күпләп һәм ваклап сату өчен наркотик чараларны саклау, фасовкалау һәм төргәкләү белән шөгыльләнә. Аның хокукка каршы эшчәнлеге турында якыннарының берсе дә аңламый: әби оныгының нефть шәһәрендә эшкә урнашуына, ә Краснодар краенда яшәүче әти-әнисенең улын башка шәһәргә күченүе турында бөтенләй белмәүләренә ышана.

Яшь кешенең шифрацияләнгән интернет ресурсларыннан файдалануы ачыкланган, алар ярдәмендә тыелган матдәләр белән тәэмин итүчеләр белән бәйләнгән һәм билгеләнгән урында "наркотиклар"ның зур партиясен алган, аны ваграк күләмдә төргән һәм саткан. Атналык керем 70 мең сумга якын булган.

Фатирдагы тентү вакытында хокук сакчылары 750 граммнан артык тыелган матдә табып ала. Экспертиза күрсәткәнчә, алар арасында гомуми массасы 141,81 грамм марихуана,  PVP авырлыгы 41,65 гр., 499,19 граммлы мефедрон була. Полиция  мәгълүматларына караганда, ир тыелган матдәләрне контактсыз ысул белән –яшереп сатарга җыена. Шунда ук үлчәүләр, төрү материаллары, кәрәзле телефоннар, металл сейф, шулай ук җинаятьчегә акча күчермәләре килгән банк карталары да табыла һәм алына.

Моннан тыш, яшәү урыны буенча тентү вакытында оперативниклар 0,5 гр авырлыктагы кокаин наркотик чарасын табып алган. Ул аны шәхси куллану өчен саклаган.

Фигурантка карата Россия Федерациясе Җинаять кодексының 228.1 маддәсенең 4 өлешендә каралган җинаять составы билгеләре буенча җинаять эше кузгатылды. Аңа 15 елга кадәр ирегеннән мәхрүм ителү куркынычы яный. Суд тарафыннан шикләнелүчегә карата сак астына төрмә рәвешендә кисәтү чарасы сайланган. Алдан тикшерү дәвам итә.

Хәзерге вакытта полиция хезмәткәрләре тарафыннан фигурантның хокукка каршы эшчәнлегенең барлык эпизодларын билгеләү буенча чаралар дәвам итә.