Әлмәтле башка кешенең банк картасыннан файдаланып, 4 мең сумнан артык акча тоткан

Әлмәттә яшәүче 36 яшьлек хатын чит банк картасыннан акча урлаган өчен хөкем ителгән, дип хәбәр итә ТР прокуратурасы матбугат хезмәте.

Узган елның 21 декабрендә көндез бер ханым танышында кунакта булганда, аның банк картасын урлаган, аннары кибетләрдә түләгән. Зыянның гомуми суммасы 4,2 мең сум тәшкил иткән.

Хатын үз гаебен таныган, тик зыянны капламаган. Суд аңа 1 елга сынау срогы белән шартлы рәвештә бер елга ирегеннән мәхрүм итү рәвешендә җәза билгеләде.