Әлмәтле башка машинага бәрелгәнен күрми, авария урыныннан киткән
Гаепләнүче арыганын һәм көчле музыка тыңлаганын сөйләде.
23 августта Әлмәттә ир-ат машина руле артында икенчесенә бәрелә һәм юл-транспорт һәлакәте урыныннан китә. Эшне җәмәгать судьясы карады, дип хәбәр итә судның матбугат хезмәте.
Утырышта ир үз гаебен таныды. Ул ни өчен юл-транспорт һәлакәте урыныннан китүен аңлатты: башка машина белән бәрелешне сизмәгән, чөнки ул арыган һәм көчле музыка тыңлаган.
Шулай ук гаепләнүче зыян күрүчегә мораль зыян өчен компенсация ясавынхәбәр иткән. Шулай ук ул зыян күрүчегә автомобильне торгызуда ярдәм итәргә вәгъдә иткән.
Нәтиҗәдә, суд ирне 1 елга машина йөртү хокукыннан мәхрүм итә.
Карар законлы көченә кермәде һәм Әлмәт судына шикаять бирелергә мөмкин.
Следите за самым важным и интересным в Telegram-каналеТатмедиа
Оставляйте реакции
