Әлмәтле банк картасыннан 35 меңнән артык акча сарыф иткән

Әлмәттә яшәүче 34 яшьлек кешегә банк картасыннан акча урлаган өчен җинаять эше кузгатылган.

61 яшьлек әлмәтле полициягә мөрәҗәгать итә. Ул югалткан банк картасыннан 35 мең сум күләмендә сумма күчерелүе турында сөйли. Акча югалту турында гариза бирүче мобиль кушымтадан елгән.

Полиция 34 яшьлек әлмәтлене тоткарлый. Ул паркта телефон тапканын һәм аны үзенә алганын хәбәр итә. Телефондагы барлык хәбәрләрне укыгач, ир банк картасында 100 мең сум күләмендә акча булуын аңлаган. Табылдыкны тапкан әлмәтле бу акчадан файдаланырга була. Банк картасы булмаганлыктан, ул дустының банк счетына 7 мең сум акча күчергән һәм аның янына кунакка киткән. Ирләр өч көн рәттән акча сарыф итеп, спиртлы эчемлекләр эчәләр. 

Ниндидер вакытта зыян күрүченең хатыны карта балансын банк кушымтасы аша тикшерергә карар итә. 35150 сум күләмендә акча югалуын күргәч, ханым полициягә мөрәҗәгать итә.

Ир-атка карата яшәү урыныннан китмәү  рәвешендә чик кую чарасы сайланган.

Бу факт буенча тикшерү бара.