Әлмәттә чит кешенең телефонын урлаган Зәй кешесе җәзадан котылган

Зәйдә яшәүчне Әлмәт шәһәр судында урлау өчен хөкем иттеләр. Эш материаллары буенча, ул йортның баскычында телефон тапкан һәм үзе өчен калдырган.

Утырышта зыян күрүче гаепләнүчегә карата җинаять эшен туктатуны сорый. Зәйдә яшәүче кеше гафу үтенә, урланган телефонның бәясен каплый. Әмма дәүләт гаепләве эшне туктатуга каршы чыга.

Мировой судья карар кабул иткәндә ир-атның гаебен танывына, зыянны каплауына, элек җәлеп ителмәвенә, беренче тапкыр аз авырлыктагы җинаять кылуына, яшәү урыны буенча канәгатьләнерлек характеристика бирүенә игътибар итә.

Нәтиҗәдә, гаепләнүче якларның татулашуы нәтиҗәсендә җәзадан кача алды, дип хәбәр итә Әлмәт шәһәр судының матбугат хезмәте.