Әлмәттән ир белән хатын наркотиклар аркасында төрмәгә эләккән

Әлмәттә наркотиклар тарату белән шөгыльләнгән гаилә 20 елга якын төрмәдә утырачак. Ир белән хатын җинаять юлына «Финико» финанс пирамидасына акча салып, "янганнан" соң аяк басалар. Сумма шактый зур-700 мең сум.

Ир белән хатын җиңел акча ала алмыйлар, пирамидага нигез салучы гаепләнүчеләрнең эскәмиясенә эләгә. Йөзләрчә мең сум кредитны түләп бетерер өчен гаепләнүчеләр наркотиклар тарату белән шөгыльләнергә карар итәләр.

Әлмәт районының бер авылында гаилә башлыгы тыелган матдәне күпләп алып кайта. 250 гр наркотикларны ул  декреттагы хатыны белән бергә кечерәк төргәкләргә бүлгән.

Нәтиҗәдә җинаятьчеләрне табалар. Хокук саклау органнары фатирда таратырга әзер 29 төргәк тапкан. Нигездә, пар сүзләренчә, алар Беренче поселокта һәм Иске Әлмәттә таратканнар.

Яшь парны 24 эпизодта гаеплиләр. Гаилә башлыгы 12 ел ярым каты режимлы колониядә утырачак. Аның хатыны – җиде ел ярым гомуми режимлы колониядә, дип хәбәр итә Әлмәт шәһәр судының матбугат хезмәте.