Өч әлмәтле мошенник кулыннан зарар күргән
Зәй районында туып-үскән 40 яшьлек егеткә карата РФ Җинаять Кодексының 159 нчы «Караклык» маддәсе буенча җинаять эше кузгатылган.
Ир катгый режимлы төзәтү колониясендә наркотик саклаган һәм тараткан өчен җәза үткән. Ул телефон табып, сайтка бушлай игъланнар урнаштыра. Автомәктәптә укымыйча, машина йөртү таныклыкларын әзерләүдә һәм ЮХИДИгә тиешле имтиханнар тапшыруда ярдәм итү турында яза.
Әлмәттә яшәүче өч хатын-кыз 2018 елның мартында Россия Эчке эшләр министрлыгының Әлмәт районы буенча бүлегенең дежур частенә шалтырата һәм мошенниклык турында хәбәр итә.
Хатын-кызлар аңа шалтыраталар һәм машина йөртү таныклыкларын әзерләргә килешәләр. Хатын-кызлар акчаны билгесез кешенең банк счетына күчерә. Хезмәт күрсәтү бәясе 5 мең сумнан алып 8,5 мең сумга кадәр. Тик акчаны күчерү белән җинаятьче алар белән элемтәгә керүдән туктый. Шуннан соң алар алдануларын аңлап, полициягә мөрәҗәгать итә.
Әлеге фактлар буенча Россия Эчке эшләр министрлыгының Әлмәт районы буенча бүлеге җинаять эше кузгаткан, хәзер ул прокуратурага тапшырылган, дип хәбәр итә Россия Эчке эшләр министрлыгының Әлмәт районы буенча бүлеге матбугат хезмәте.
Следите за самым важным и интересным в Telegram-каналеТатмедиа