Әлмәт районында «Тоннель» операциясе вакытында 11 тәртип бозучыны ачыклаганнар

Россия Эчке эшләр министрлыгының Әлмәт районы буенча ЮХИДИ бүлеге машина йөртүчеләрне массакүләм тикшерү буенча «ТОННЕЛЬ» профилактик операциясе үткәрде. Ул исерек хәлдә идарә итүче машина йөртүчеләрнең юл хәрәкәте кагыйдәләрен бозуларын тикшерүгә юнәлтелгән иде.

Бер сәгать эчендә юл-патруль хезмәте инспекторлары 130 машина йөртүчене тикшерде һәм 11 юл хәрәкәте кагыйдәләрен бозу очрагы ачыкланды.

Алар арасында:

ОСАГОсыз - 6;

документсыз – 3; 

билгеләнгән тәртиптә теркәлмәгән машинаны йөртү– 1;

куркынычсызлык каешын эләктермәгән – 1.