Синоптиклар томан, буран һәм кар көртләре турында кисәтә

Көньяк циклонның атмосфера фронты йогынтысында Татарстанда һава шартлары начарланачак. Бу турыда Татарстан Гидрометеорология һәм әйләнә-тирә мохитне күзәтү үзәге кисәтә.

13 гыйнварда төнлә һәм 14 гыйнварда иртән республика буенча урыны белән, шулай ук Әлмәттә дә томан төшәчәк.

Буран вакытында күз күреме 500-1000 метрга кадәр кимиячәк.

Җил көньяк-көнчыгыштан исәчәк, вакыты белән тизлеге секундына 16 метрга кадәр көчәячәк. Юлларда кар көртләре булачак, дип хәбәр итә метеорологлар.Төнлә һава температурасы -24..-26˚,аязган вакытта -28˚.  Көндез һава температурасы -12..-14˚.