Әлмәтлеләр октябрьдә «Халык контроле»ндә 170 мөрәҗәгать калдырган

Әлмәтлеләр «Халык контроле» порталында октябрьдә ешрак табибка язылу булмауга зарланган. Мондый проблема белән педиатрга дәүләт хезмәтләре аша язылырга омтылганда очрашканнар, тик расписание ачыкланмаган:

"Медицина учреждениеләре яңа системага күчүгә бәйле рәвештә, табибка язылганда белгечләр һәм язылу өчен буш слотлар булмавы мөмкин".

"Сезнең участок күрсәтелмәгән, яки белгечнең расписаниесе юк. Регистратурага мөрәҗәгать итегез. Расписание булмау мәсьәләсе буенча сез, хастаханәнең адресын, табибның специализациясен һәм участокның номерын күрсәтеп, халык контроле системасына гариза юллый аласыз". 

Октябрь аенда порталда шундый ук шикаятьләр белән 25 гариза җыелган. Сәламәтлек саклау министрлыгы һәр сорауга җавап биргән.

"1 октябрьдән автоматлаштырылган мәгълүмат системасына күчү сәбәпле, участок табиб-педиатрына алдан язылу шартлары үзгәрде. Участок табибына кабул итүгә электрон язылу РФ Дәүләт хезмәтләре Порталы аша башкарыла".

Халык үзәк район хастаханәсенә участок табибларына да языла алмады. Сәламәтлек саклау министрлыгы хәбәр иткәнчә, моның сәбәбе – авырулар санының артуына бәйле катлаулы вәзгыять. 

Көзге пычрак халык өчен «Халык контроле»нә мөрәҗәгать итү өчен тагын бер сәбәп булды. Тигез булмаган юлларда зур күлләр җыела. Яңгырлы сезон башлану белән юлларның торышы мәсьәләсе кискенләшә.
 
Шулай ук Әлмәт халкы кайбер урамнарда яктырту урнаштыруларын сорый, чөнки хәзер караңгы иртә төшә. 24-нче номерлы мәктәп территориясе янында да ут юк.  

"Мәктәп ишегалдында һәм янәшәдәге территорияне яктырту проблемасын хәл итүегезне сорыйм. Караңгыда юл аркылы чыгу тормыш өчен куркыныч. Балалар  күренми", - дип язган бер әлмәтле.

Әлегә гариза статусы «эштә». Халык 11 нче мәктәп янында ут булмауны да ачыклаган. 

"11-нче номерлы мәктәп территориясе тирәсендә яктырту юк һәм мәктәп территориясендә яктырту җитәрлек дәрәҗәдә түгел, бинада урнаштырылган бер фонарь яна һәм ул агачлар белән капланган. Мәктәп 2 сменада эшли, балалар караңгы тыкрыклардан йөри, анда куаклар үсеп утыра", – дип хәбәр итә бер кулланучы. 

Гаризаны бер атнадан соң хәл иткәннәр. 

Октябрь аенда Әлмәт халкы тарафыннан якынча 170 гариза җибәрелгән. Аларның 75е – хәл ителгән, 32се-эштә, 58е планлаштырылган. 10 кешенеке кире кагылган.