Әлмәттә җәмәгать транспорты мәсьәләсе хәл ителә

Бу хәлгә «Әлмәт транспорт идарәсе» директоры Решат Таҗетдинов аңлатма бирде.

"Салкыннар башлангач, троллейбуслар, алыштырырга кирәк булган аккумуляторларның сафтан чыгуы сәбәпле, автоном рәвештә эшләүдән туктады".

«Ни өчен бүгенге көнгә 7б троллейбус троллейбус белән алыштырылмый? - Решат Таҗетдинов дәвам итте.- РТСтан троллейбусларның Совет урамы буйлап һәм Сөләйманова урамы буенча (анда ике чакрымнан артык) бармавын күздә тотып, Герцен-Ленин урамы линиясенә баскач аларның көче  Зарипов һәм Бигәш урамнарын колачлау өчен җитми».

Бүгенге көндә шәһәрлеләрнең ихтыяҗы ни белән каплана соң?!. 2 һәм 2б автобус маршрутлары Сөләйманова һәм Советсткая урамнарында ихтыяҗны каплый, әмма Зарипов һәм Бигәш урамнарында капламаганнар. «Без  6 автобус маршрутын  арттырабыз. Ул элеккечә йөриячәк һәм моңа өстәмә маршрут өстәлә-Панорама боҗрасыннан Ленин урамына (баш почтамт) таба борылмаячак, ә Зарипов урамына таба китәчәк һәм Бигәш урамы буенча Төзүчеләр проспекты буйлап, Панорамага кадәр барып,  аннан соң үз маршруты буенча кайтачак. Без моны иртәнге сәгатьләрдә кешеләрне нәкъ менә Зарипов-Бигәш урамнары микрорайонына чыгару, алып бару өчен эшлибез», - дип аңлатты Решат Таҗетдинов.

Шәһәр маршрутлары хәрәкәтен «акыллы транспорт» мобиль кушымтасында күзәтеп була. Кушымта интеграль ГЛОНАСС спутник белән турыдан-туры бәйләнгән система.

Ахырда Решат Таҗетдинов әлмәтлеләргә  мөрәҗәгать итте: "Хөрмәтле шәһәр халкы, сездән "акыллы транспорт" кушымтасын ешрак яңартуыгызны сорыйм. Атнага ким дигәндә бер тапкыр. Шул яңартулардан соң барлык маршрутларны күрә алачаксыз".

Әлмәт муниципаль районы башлыгының матбугат хезмәте