Кыяр кетердәп торсын дисәң..

Чиста банка төбенә укроп “эшләпәсе”, керән яфрагы, сарымсак тырнаклары, дәфнә яфрагы, түгәрәк кара һәм хуш исле борыч, канәфер, кызыл борыч, кориандр салып, юылган кыярларны 3 литрлы банкаларга тутырыгыз.

Кайнап чыккан су коеп, суынганчы тотарга, аннары суны түгәргә кирәк. 2 аш кашыгы тоз, 4-5 аш кашыгы шикәр комы, 2 лимон телеме салырга да кайнар су коярга кирәк. Ахырда капкач борып, банканың өстен аска әйләндереп куегыз.