Әлмәт районы авылында “Яңа ел кәефе” бәйгесе уздырылган

Ерсубай авыл җирлеге администрациясе “Яңа ел кәефе” бәйгесе үткәргән. Бәйгедә катнашучылар биналарның, йортларның фасадларын һәм алар янәшәсендәге территорияләрне матур итеп бизәгәннәр.

Конкурс комиссиясе, бизәлгән йортлар буенча йөреп, бизәлешне, матурлыкны, бәйгегә иҗади якын килүне исәпкә алып, җиңүчеләрне билгеләгән.

1 нче урынны Охотников Василий Викторович яуласа, 2 нче урында Курикова Зинаида Евгеньевна, 3 нче урында Александрова Валентина Васильевна булган.

Охотникова Е. г., Курикова Л. А., Лазарева Т. Г., Коннов С. И., Макарова З. Т. призерлар булганнар.
Җиңүчеләргә грамоталар һәм бүләкләр тапшырылган.

Оештыручылар икенче елга авылга бәйрәм рухы өстәп, бәйгедә күбрәк кеше катнашыр дип өметләнә.