Әлмәт районы музеенда Юрий Гагарин истәлегенә багышланган күргәзмә оештырылган

Космик эра башлануының 60 елы уңаеннан Халиулла Әхмәтшин исемендәге Елховой авыл тарихын өйрәнү музеенда 1 апрелдә Юрий Гагарин истәлегенә багышланган күргәзмә оештырылды. Күргәзмәдә музей фондында сакланучы космоска очучыларга һәм космоска багышланган значоклар, юбелей хөрмәтенә чыгарылган акчалар, истәлекле хәтирәләр, шулай ук Юрий Гагаринның тормышын чагылдырган тарихи истәлекләр белән танышырга мөмкин.