Әлмәттәге яшьләр ассамблеясы туган көнен билгеләп үтте

Татарстан халыклары яшьләр ассамблеясенең Әлмәт филиалы оешуга 6 ел тулды. Ул актив һәм инициативалы яшьләрне берләштерә.

Хәзер Әлмәт ассамблеясында 60лап катнашучы исәпләнә, алар – активистлар һәм чыгыш ясаучы артистлар. Бәйрәмдә яшь кызлар һәм егетләр бер-берсен халык биюләре һәм җырлары белән котладылар. Иң активларны рәхмәт хатлары белән бүләкләделәр.

Яшүсмерләр фестивальләрдә һәм форумнарда катнашалар, шулай ук үзләре чаралар уздыралар. Иҗтимагый оешма эшләгән дәвердә Әлмәт активистлары 400 дән артык чара оештырган. 2021 елда узган иң матурларының берсе - «Каракүз» фестивале. Концертлардан тыш, алар мәктәпләрдә мастер-класслар һәм спорт милли уеннары уздыралар.

"Балачактан яшьләргә үз традицияләрен, мәдәниятен сеңдерергә кирәк. Мондый очракта алар үз традицияләрен саклаячаклар. Без бу хәрәкәттә милли мәдәниятләр проектларын алга этәрү белән шөгыльләнәбез", - дип сөйләде Татарстан халыклары яшьләр ассамблеясенең Әлмәт филиалы җитәкчесе  Орхан Ягубов.