Әлмәткә бөтен Россиядән урам артистлары киләчәк

15 июльдән 17 июльгә кадәр  "Легкие крылья" бөтенроссия урам театрлары фестивале узачак.

Әлмәтлеләрне матур карнавал йөреше, цирк һәм театр тамашалары, спектакльләре көтә.

Чарада Әлмәт, Казан, Уфа, Самара, Пермь, Воронеж һәм Санкт-Петербург, илнең 16 театры катнашачак. 

Фестиваль "Татнефть" хәйрия фонды һәм Президент мәдәни инициативалар фонды ярдәме белән тормышка ашырыла.

Чара "Җәй. Каракүз" фестивале кысаларында уздырыла.