Әлмәттә сентябрь ахырында гиперреалистик стильдә тагын бер мурал пәйда булачак

Граффити Ленин урамы, 189 йортта пәйда булачак. Бу хакта "Татар-информ"га  "Алтын алмалар турында әкиятләр" паблик-арт программасы кураторы Анна Ветошкина хәбәр итте.

Осталар бу сезонда уртак "кайгырту" темасы өстендә эшлиләр. Данила Shozy эчке бала турында кайгырту мотивлары белән кызыксынды һәм үскәч кешедә нәрсә калуы турында уйланды.

"Данила үзенең гиперреалистик стилендә „хәзинә“ тартмасын сурәтли — күпләр бала чагында җыйган әйберләр. Бу тартма балалар экспонатлары белән генә түгел, Данила гомере буе үзе җыйган әйберләр белән дә тулган,  алар аның шәхси тарихы һәм истәлекләре турында сөйлиләр", — ди Анна Ветошкина.

Әлмәт  Данилага ошый, бигрәк тә табигатькә соклана: аңа калкулыклар, далалар, кырлар ошый.

Данила Shozy-халыкара танылган урам рәссамы. Аның эшләрен Шардже (БГӘ), Террачина (Италия), Мәскәү һәм Берлин кебек шәһәрләрдә күрергә мөмкин. Ул оптик иллюзияләр элементлары белән гиперреалистик мураллар тудыра. 3D буяу техникасы - рәссамның имзасы.

Иң беренче булып Әлмәткә дөньякүләм танылган урам рәссамы Марат Данильян (Морик) килде. Аның муралы Изаил Зарипов урамындагы 39-нчы номерлы йортта пәйда булды.

Фото: Антон Селезнев / «Алтын алмалар турында әкиятләр» паблик-арт программасы