Авыл Сабан туйларын үткәрү көне фаразланды

“Татарстанның муниципаль берәмлекләре” ассоциациясе ТР Президенты аппараты җитәкчесе урынбасары Илнур Гариповның авыл җирлекләрендә Сабан туен 4 июль көнне үткәрү тәкъдиме турында мәгълүматны урнаштырган.

Бу хакта ул муниципаль берәмлекләр Советы Президиумы утырышы барышында хәбәр иткән.

Илнур Гарипов билгеләп үткәнчә, соңгы карарны авыл җирлеге башлыклары һәм район администрацияләре кабул итәчәк.