Әлмәттә туган тел турында түгәрәк өстәл узды

Кунаклар өчен «Җырлы-моңлы балачак» концерт программасы әзерләнде, анда укучылар Муса Җәлилнең шигырьләрен сөйләделәр, баянда «Әпипә» көен уйнадылар, бишек җырлары башкардылар.
⠀
Шулай ук гимназия укучыларының әти-әниләре белән бергә эш алып барылды. Алар ни өчен үз балалары өчен "Адымнар" ны сайлаганнарын сөйләделәр. Әлбәттә, полилингвальлек беренче урында тора. Татар телен өйрәнү ата-аналар өчен мөһим роль уйный.
⠀
"Туган татар җирендә яшәп, күпләребез туган телнең кыйммәтлеген сизми кала. Чит илдә яшәүче татарлар безгә карганда туган телне саклау һәм үстерү кирәклеген күбрәк аңлыйлар. Безнең бурыч – моны төзәтү", - диде бөтендөнья татар конгрессының Әлмәт бүлеге җитәкчесе һәм «Әлмәт хәбәрләре» газетасы баш мөхәррире Ландыш Зарипова.
 

Фото: Әлмәт районы башлыгы матугат хезмәте