Әлмәтнең бер мәктәбендә балаларның агулану ихтималы бар

Әлмәтнең 7нче мәктәбендә агулану ихтималы турындагы мәгълүматка бәйле рәвештә балаларны аеру турында карар кабул ителде, шулай ук учреждениедә дәресләр саны киметелде. Мәгълүматны район башлыгының матбугат хезмәте җиткерә.

"Дезинфекцияләү эремәләре һәм бактерицид лампалар кулланып, барлык биналарны җентекләп санитар эшкәртү үткәрелде. Авырулар таралуны кисәтү өчен профилактик чаралар күрелә. Бу дезинфекцияләү чараларын куллануны һәм авыру симптомнары булган кешеләрнең керүен булдырмас өчен керү контролен үз эченә ала", диелә хәбәрдә.

Балалар поликлиникасы мәгълүматлары буенча, бер балигъ булмаган бала балалар хастаханәсенең инфекция бүлегенә кискен эчәк инфекциясе диагнозы белән китерелә. Баланың хәле канәгатьләнерлек, авыру билгеләре юк.
15 ноябрьгә 7 нче мәктәп балалары медицина ярдәме сорап, балалар хастаханәсе стационарына мөрәҗәгать итмәгәннәр.

Матбугат хезмәтендә шулай ук Роспотребнадзорның Татарстан Республикасы буенча идарәсенең Әлмәт территориаль бүлеге һәм Әлмәт шәһәр прокуратурасы тарафыннан мәгариф учреждениесенә чыгу гамәлгә ашырылуы турында хәбәр итәләр. Хәзерге вакытта санитар-эпидемиологик тикшеренү үткәрелә, хәл контрольдә тора.