Быелгы БДИ расписаниесе билгеле

Чыгарылыш сыйныф укучылары имтиханнарны түбәндәге көннәрдә тапшырачак:

29 июнь - география, әдәбият, информатика;
2 июль - рус теле;
3 июль - рус теле;
6 июль - математика (профиль дәрәҗәдәге);
9 июль - тарих, физика;
13 июль - җәмгыять белеме, химия;
16 июль - биология, чит телләр буенча имтиханның язма өлеше;
18 һәм 20 июль - чит телләр буенча имтиханның телдән тапшырыла торган өлеше.

Шулай ук планга барлык фәннәр өчен дә резерв көннәр кертелгән.

Быел БДИны яңа уку елында югары уку йортына керергә теләүчеләр генә тапшыра. 

Мәктәп аттестатын алу өчен БДИ мәҗбүри түгел.

Роспотребнадзор идарәсендә имтихан тапшыру процессы оештыручылар өчен дә, чыгарылыш сыйныф укучылары өчен дә максималь куркынычсыз булачак, дип белдерәләр.
Куркынычсызлык чаралары арасында аудиторияләрне дезинфекцияләү, катнашучыларның тән температурасын үлчәү, антисептиклы дозаторлар урнаштыру, укучыларны бер-берсеннән 1,5 метрдан да ким булмаган арада утырту каралган.

Чыганак