"Татарстан Герое" исеме: әлегә бу инициатива берни белән дә ныгытылмаган

“Татарстан Герое” бүләген гамәлгә кую перспективасын һәм мөмкинлеген кирәкле норматив база булганнан соң гына бәяләргә мөмкин булачак. Бу хакта ТР Президенты матбугат хезмәте җитәкчесе Лилия Галимова журналистлар белән брифинг вакытында аңлатты.

Хәзерге вакытта инициатива башлангыч этапта, әлегә тәкъдимнең норматив базасы беркетелмәгән.

Моңа кадәр ТР Дәүләт Советы вице-спикеры Марат Әхмәтов республиканың яңа дәүләт бүләген гамәлгә кую инициативасы белән чыккан иде.