Татарстанда 2021 елның 10 гыйнварына кадәр пиротехника куллану тыела
Республикада 20 декабрьдән башлап янгынга каршы махсус режим кертелә.
«2020 елның 20 декабреннән 2021 елның 10 гыйнварына кадәр Татарстан Республикасы территориясендә янгынга каршы махсус режим кертергә», — диелә
Татарстан Премьер-министры Алексей Песошин имзалаган карарда.
Янгынга каршы режим гамәлдә булган чорда 1-3 класслы куркынычка ия пиротехника куллану тыелачак. Бенгаль утлары һәм шапылдаткычларга гына искәрмә ясала.
Петарда һәм фейерверкларны сәнәгать объектлары, транспорт инфраструктурасы һәм ягулык-энергетика комплекслары чигеннән 500 метр ераклыкта, шулай ук торак-коммуналь һәм авыл хуҗалыгы объектлары, халык күпләп җыела торган урыннар һәм автомобиль юлларыннан 50 метрга кадәр чикләрдә куллану тыела.
Следите за самым важным и интересным в Telegram-каналеТатмедиа
Оставляйте реакции
