Әлмәттә анализга алынган карның нәтиҗәләре атна дәвамында билгеле булачак

Әлмәттә пычрак кар түгелгән урын табылды. Ул кар шәһәрнең бер предприятиесе территориясеннән чыгарылган. Хәзер экспертлар карда табигатьне пычратучы матдәләр бармы-юкмы икәнен билгели. Әгәр алар табылса, гаеплегә 300 мең сумга кадәр штраф яный.

Татарстанның Экология министрлыгының өлкән белгече Ләйсән Гыйсмәтуллина сүзләренчә, СУ-5 районы тикшерелгән. Анда санкциясез кар ташу факты расланган. 75 квадрат метр мәйданда 72 кубометр кар табылган.

«Нефть продуктлары су объектларын пычратырга мөмкин. Анда химик матдәләр булуга пробалар алынды», — диде Ләйсән Гыйсмәтуллина.