Әлмәттә балаларга кушкан сирәк исемнәр билгеле булды
2020 елда Әлмәттә иң популяр исемнәр Әмир, Кәрим, Тимур, Ясминә, Милана һәм Амелия булган.
Әлмәт районында узган елда туу турында 2371 акт теркәлгәнен хәбәр итә Әлмәт ТВ.
Бу 2019 елга караганда 52 гә кимрәк. 28 гаиләдә игезәкләр туды, дип хәбәр итә ЗАГС идарәсе.
ЗАГС белгечләре соңгы 4 елда районда туучылар санының кимүе күзәтелә, дип аңлаттылар. Сәбәбе шунда ки, 90нчы елларда туганнар хәзер әти-әни булалар, ә бу чорда балаларның иң аз тууы билгеле. Шуңа да карамастан, районда 2000 елга караганда күбрәк бала туган.
2020 елда малайлар арасында иң популяр исемнәр – Әмир, Кәрим, Тимур, ә кызлар арасында Ясминә, Милана, Амелия.
Малайлар өчен иң сирәк исемнәр – Айвар, Сәлмән, Эмин, Прохор, ә кызлар өчен – Оливия, Илүзә, Аврора, Айла, Тамина, Анель.
Следите за самым важным и интересным в Telegram-каналеТатмедиа