Җәмгыять
Әлмәтнең полиция хезмәткәренә балаларны коткарган өчен Мактау грамотасы тапшырылды
Ленар Дәүләтшин Алабугада суга төшеп киткән ике баланы коткарган иде.
Россия Эчке эшләр министрлыгының Әлмәт муниципаль районы буенча бүлегенең кизү часте сменасы начальнигы Ленар Дәүләтшинга Әлмәт районы Советы һәм Башкарма комитетының Мактау грамотасы тапшырылды. Бүләкләү 17 июньдә Әлмәт муниципаль районы Советының һәм шәһәр советының уртак сессиясендә узды.
Грамота батучыларны коткарганда кыюлыгы һәм тәвәккәллеге өчен геройга тапшырылды. Исегезгә төшерәбез, бу хәл 7 июньдә Алабугада Шишкин буаларында булган иде.
Следите за самым важным и интересным в Telegram-каналеТатмедиа