«Татнефть» төркеме гыйнвар-октябрь айларында 23 млн тонна нефть чыгарган

Бу узган елның шул ук чоры күрсәткечләреннән 6 процентка артык, дип хәбәр итте компаниянең матбугат хезмәте.

Шул исәптән октябрьдә 2,4 млн тонна нефть чыгарылган — бу исә 2020 елның шул ук ае белән чагыштырганда 12 процентка күбрәк.

Төп компания 10 айда 22,8 млн тонна (6,2 процент үсеш), октябрьдә — 2,4 млн тонна (12,1 процентка күбрәк) кара алтын тапкан.

Республикадан читтәге бүлендек предприятиеләр чыгарган нефть гыйнвар-октябрь айларында 250 мең тоннага якын (6,5 процентка кимрәк), узган айда — 25,8 мең тонна (2,3 процентка кимегән) булган.

Татнефть югары үзле нефть чыгаруны дәвам итә. 10 айда ул 2020 елның шул ук чоры белән чагыштырганда 10,2 процентка — 3,1 млн тоннага кадәр, октябрьдә 4 процентка артып, 312 мең тоннага җиткән. 

Чыганак