Әлмәттә батырлык кылганнарны искә алдылар

9 декабрьдә Россиядә Ватан Геройлары көне билгеләп үтелә. Хезмәт даны, Социалистик Хезмәт Геройларын, Хезмәт Даны орденының тулы кавалерларын хөрмәтлиләр. Әлмәт шәһәр паркында бәйрәм митингы узды.

Әлмәт районында 1 Россия Герое, 1 Хезмәт Даны орденының тулы кавалеры, 6 Социалистик Хезмәт Герое һәм 1 Хезмәт Даны ордены кавалерының тол хатыны яши. Шәһәр паркында Дан Аллеясы аларны хөрмәтләү максатыннан эшләнгән.   Аларның күбесе исән түгел, әмма алар турында хәтерлиләр.  

«Татнефть» хезмәткәрләре исән булмаганнарның тол калган иптәшләрен котлады.

Шәһәр паркында Геройлар аллеясы сузылган. Бу якты дөньяда күркәм эз калдырып, исемнәрен мәңгеләштереп китүчеләр белән беррәттән бүген дә сафта булучыларның да бюстлары урнаштырылган. Арабызда булмаучыларының бюстларына чәчәкләр салынды.