Әлмәттә 98 подъездда металл ишекләр куячаклар

Әлмәттә 2022 елда капремонт кысаларында яңалык – 21 йорт подъездына керү ишекләрен алыштыру планлаштырыла: бу 98 подъезд. Ишекләр махсус пыялалар кулланып, металлдан эшләнәчәк.  Бу хакта Әлмәт районы башлыгы Тимур Нагуманов белән туры эфирда үсеш департаменты директоры Алексей Лазарев сөйләде.

Шәһәрдә шундый ук практика бар иде инде-2013 елда «Безнең ишегалды» программасы кысаларында Совет урамы, 153 йортта алты подъездда шундый ишекләр урнаштырылган.

"Бик шәп практика булып чыкты. Өстәвенә, бу практика бүген Әлмәттә генә түгел, ә бөтен Россиядә, дөньяда уңышлы санала. Без булган йортларда ишекне металл гына түгел, ә ишеккә зур пыяла урнаштырырга мөмкинлек табабыз. Кеше эчтә ниләр булганын күрә, тышта ниләр булганын күрә, өстәмә яктырту мөмкинлеге бар һ. б., болар вак тоелса да, нәтиҗә бик шәп килеп чыга", - дип билгеләп үтте Нагуманов.

Капремонт программасы 2008 елдан бирле гамәлдә. 14 ел эчендә шәһәрдә һәм районда 628 күп фатирлы торак йорт ремонтланган.

«2022 елга 39 күп фатирлы йортны ремонтлау планлаштырылган. Димәк, 8 йорт  Түбән Мактамада, һәм шәһәрдә 31 йорт. < ... >  Бүгенге көндә 28 күп фатирлы йортта эшләр бара, шул исәптән 17 йортта түбә ремонтына керешкәннәр. Электр белән тәэмин итү 13 йортта башланган. "Балконнарны тышлау-4 йортта» - дип сөйләде үсеш департаменты директоры.

2043 елга кадәр 385 торак йортта капиталь ремонт ясыйсы бар.

"Барлык йортларда да ремонт ясау физик яктан мөмкин түгел, моның өчен төбәк капиталь ремонт фондында акча юк. Шуңа күрә барысы да этаплап бара. Һәм бу программа 2008 елда язылган иде. Бүген без аны, нигездә, башкарабыз", - дип сөйләде Тимур Нагуманов.

Шулай ук Нагуманов 2043 елга кадәр гомуми программа бар, дип аңлатты. Һәм 3 еллык программа бар. Киләсе елдан 2023-2025 өчьеллык төгәлләштерелгән программасы буенча эш башланачак.

"Хәзерге вакытта 2023 елдан 2025 елга кадәр өч еллык кыска сроклы план формалаша. 2023 елда без 39 йортны ремонтларга планлаштырабыз, 2024 елда – 20, 2025 елда – 24 йорт. Процесста үзгәрешләр бара. Лифтлардан файдалану срогы чыккан йортлар өстәмә рәвештә кертелә", - дип аңлатты үсеш департаменты директоры Алексей Лазарев.