Әлмәттә автомобильләр ярышы буенча конкурсның муниципаль һәм зона этаплары узды

ЮХИДИ хезмәткәрләре автомәктәп курсантларының юл йөрү кагыйдәләрен белүләрен һәм аларның машина йөртү күнекмәләрен тикшерделәр. Тик бу машина йөртү хокукына ия булу өчен имтихан түгел әле. ДОСААФта автомобильләр ярышы буенча конкурсның муниципаль һәм зона этаплары узды.

Курсантлар руль артында инструкторсыз утыралар, бу дулкынлану  өсти. Шулай ук аларны дистәдән артык тамашачы күзәтә, алар арасында ЮХИДИ хезмәткәрләре дә бар.

"Конкурсның максаты-юл хәрәкәте кагыйдәләрен ныгыту һәм юлларда җаваплылык хисен формалаштыру", – дип хәбәр итте Россия Эчке эшләр министрлыгының Әлмәт районы буенча ЮХИДИ бүлеге начальнигы урынбасары Андрей Лиманский.

Хаталар бар, әмма реаль имтиханга кадәр аларны уку полигоннарында юкка чыгарырга һәм юлда кабатламаска вакыт бар. Ярышта 6 команда катнашты. Әлмәт курсантларыннан тыш, булачак автомобильчеләр Зәй, Бөгелмә, Азнакай, Сарман һәм Лениногорскидан да килгәннәр.

"Конкурста автомәктәп курсантлары катнаша, алар-булачак машина йөртүчеләр. Без аларга юл йөрү кагыйдәләрен дөрес өйрәтергә, практик күнекмәләргә өйрәтергә тиеш һәм алар безнең шәһәр юлларында тәртипле йөртүчеләр булачаклар", – дип билгеләп үтә «Юл хәрәкәте куркынычсызлыгы»ыең профилактика бүлеге башлыгы Лилия Рафигулина.

39 катнашучы арасында Әлмәт, Бөгелмә һәм Лениногорск районнары командалары җиңүче булды. Алар үз районнарын конкурсның республика этабына тәкъдим ителәчәк. Ул 28 апрельдә Казанда узачак.