Әлмәттә «Нефтьче» мәдәният сарае янында Җиңү Парады репетициясе уза

6 һәм 7 майда репетицияләр үткәргәндә Ленин урамыннан Радищев урамына кадәр керү юлын ябачаклар. Беренче көнне чикләүләр 13.00-17.00 сәгатьтә, ә икенче көнне – 11.00-17.00 сәгатьтә булачак.

Шул ук сәбәпле 8 майда 13.00 сәгатьтән 16.00 сәгатькә кадәр машина йөртүчеләргә Ленин урамыннан алып, Радищев урамына кадәр урап үтү юлларын уйларга кирәк.

Тантаналы чаралар үткәргәндә 9 майда Ленин урамы Төзүчеләр проспектыннан Чехов урамына кадәр, шулай ук Тимирязев урамы Радищев урамыннан алып, Җәлил урамына кадәр 6.00 сәгатьтән 23.00 сәгатькә кадәр ябылачак.