Әлмәт районы үзәк хастаханәсендә зур ремонт бара

Быел Әлмәттә район үзәк хастаханәсендә капиталь ремонт бара. Төзелеш барышы турында район башлыгы Тимур Нагуманов телеграмда туры эфир вакытында сөйләде.

"Әле күптән түгел генә кабул итү-диагностика бүлеген төзүгә керештеләр, чокыр казылды, сынау свайлары куелды. Алга таба инде төзелеш башланачак. Төзелешне башлау өчен акча бар", - дип билгеләп үтте район  башлыгы Тимур Нагуманов.

"Быел без стационарның төп бинасына капиталь ремонт ясауга керештек. Бу-капиталь ремонтланмаган бина. Нәкъ менә шушы бина буенча без сезнең тәүлек буе эшли торган стационар ярдәм алу өчен уңайлы шартлар булмавы турында кисәтүләрегезне даими ишетә килдек. Стационарның тәүлек буе эшләвен исәпкә алып, без үз эшебезне туктатмыйбыз, шуңа күрә без капиталь ремонт үткәрү өчен бөтен мәйданны төзүчеләргә бирергә бераз оялдык. Нәкъ менә шуңа күрә моны этаплап эшлибез", - дип өстәде район үзәк хастаханәсе баш табибы Вера Головина туры эфир  вакытында.

Головина ассызыклаганча, капиталь ремонт-диварларны буяу гына түгел.

«Беренче чиратта, барлык инженерлык челтәрләрен алыштыру.  Барысы да имин булсын өчен. Капиталь ремонт вакытында да һәр палатага санитар бүлмәләр төзелә. Без һәр палатага кислород бирүне тәэмин итәчәкбез һәм, димәк, логистиканы бераз үзгәртәбез», – дип хәбәр итте ул.

Нагуманов капремонттан соң һәр палатада санузел барлыкка киләчәк, дип ачыклык кертте. Эшләрне кыска вакыт эчендә тәмамлау планлаштырыла.