Әлмәтлеләр яңа мурал ясауда ярдәм итә ала

Булачак вакыйгалар «Татнефть» компаниясенең бишьеллык уртак программасы, «Новь» бюросы һәм стрит-арт тикшеренү институтының (Санкт-Петербург) уртак программасы кысаларында шәһәр халкы өчен махсус оештырылган уникаль белем бирү чараларының тулы бер сериясен төгәлли.

8-11 сентябрьдә Беренче бистәдә Almet mosaic уртак лабораториясе планлаштырылган. 2019 елдан «шәһәр орнаментлары» лабораториясе буенча әлмәтлеләргә таныш булган Ростов-на-Донудагы Rastvornadomu рәссамы белән берлектә Пермьнән «Фрукты» арт-төркеме катнашучыларны үз шәһәрләрен, аның ишегалларын һәм урамнарын урам рәссамы күзлегеннән күрергә өйрәтәчәк. Гадәти күренеш күренмәгәнне күрү, аннары аны сәнгать ярдәмендә үзгәртү.

Беренче очрашу - рәссамнар белән танышу 8 сентябрьдә 18:30 сәгатьтә үзәк китапханәнең уку залында (Сөләйманова, 20) узачак.

Катнашучылар саны чикләнгән. Лабораториягә  теркәлергә кирәк.

9-11 сентябрь көннәрендә икенче иҗат командасы Наталья Пастухова (Еатеринбург) белән эшләячәк.

«Алтын алмалар турында әкиятләр» паблик-арт программасын биш ел тормышка ашыру дәверендә ул инде өч мастер-класс үткәрде, «Азбука» сериясендәге  «Растить» муралын ясады.

Бу юлы аның җитәкчелегендә, әлмәтлеләр «Юлдаш» ТК (Герцен ур., 1а/2 автовокзал ягыннан) диварында –  «Әлмәт җәннәт» уртак эш булдырачак.

9 сентябрь көнне 19: 00 сәгатьтә барлык теләүчеләр киләчәк арт-объектны билгеләү процессында катнаша алачак 10 һәм 11 сентябрьдә 10.00 сәгатьтән 18.00 сәгатькә кадәр Наташага кушылып, дивардагы урам рәссамнары кебек рәсем ясарга өйрәнергә мөмкин булачак.

Теркәлү өчен сылтама.

"Алтын алмалар турында әкиятләр" — Әлмәт шәһәрендә "Татнефть" компаниясе инициативасы буенча стрит-артны тикшеренү институты һәм "Новь" бюросы тарафыннан гамәлгә ашырыла торган бишьеллык паблик-арт программа.

Проект нефть төбәге тарихы һәм анда яшәүчеләр, шәһәр стеналарына күчерелеп һәм гомуми велосипед маршруты белән тоташтырыла, төрле илләрдән чакырылган экспертлар һәм рәссамнар төркеме катнашында гамәлгә ашырыла. Рәссамнар иллюстрацияли торган барлык хикәяләр Әлмәт районында җыелган яки Татарстанның гомуми мәдәни-тарихи мирасы кисәкләреннән гыйбарәт.

Проектның инициаторы һәм идеологы - «Татнефть» компаниясе генераль директоры Наил Маганов.

Фото: Әлмәт районы башлыгы матбугат хезмәте