Әлмәт районы башлыгы ИК-8дә булды

 Әлмәт муниципаль районы башлыгы Тимур Нагуманов, Әлмәт муниципаль районы башкарма комитеты җитәкчесенең төзелеш буенча урынбасары Денис Косарев һәм район башкарма комитеты җитәкчесенең икътисад буенча урынбасары Андрей Подовалов белән берлектә, 8 нче төзәтү колониясендә булды.

Бүгенге көндә иректән мәхрүм итү урыннарында җәза үтәгән затлар өчен  ИК-8 катгый режимлы. Беренче хөкем ителүчеләр өчен колония-җирлек участогы да бар. 1230 кешегә исәпләнгән. 

Колония территориясендә кичке мәктәп, һөнәри училище, хезмәт адаптациясе үзәге (җитештерү цехлары), мәчет, чиркәү, даруханә һәм башкалар урнашкан.

ИК-8 башлыгы Сергей Конюхов делегацияне оешманың территориясе белән таныштырды, җитештерү базасы һәм чыгарыла торган продукция исемлеге белән таныштырды.

Колониянең җитештерү специализациясе күп профильле. Хөкем ителүчеләр хезмәт куя торган төп цехлар – металл эшкәртү һәм агач эшкәртү цехлары. Мебель җитештерү эшли. Шулай ук тегү участогы, пенобетон блоклар ясау цехы эшли.

Шулай ук сәнәгать зонасында терлекчелек фермасы, теплица  һәм башка хуҗалык объектлары эшли.

Шунысын да билгеләп үтәргә кирәк, ИК-8 территориясендә буш басулар бар. Делегация анда яшелчәләр үстерергә тәкъдим итте, бәлки хәтта киләчәктә Әлмәт шәһәрен бизәр өчен җимеш агачлары яки үсентеләр дә үстерерләр.

Визит йомгаклары буенча район һәм төзәтү колониясе җитәкчелеге колония чыгара торган продукцияне сатуда хезмәттәшлек итү һәм ярдәм итү буенча алдагы планнарны билгеләделәр.
 

Фото: Әлмәт районы башлыгы матбугат хезмәте