Әлмәт сәламәтлек саклау идарәсенең йомгаклау медицина советының киңәйтелгән утырышы узды

Чара 27 гыйнварда узды, анда ТР сәламәтлек саклау министрының беренче урынбасары Альмир Абашев катнашты.

Әлмәт районы буенча сәламәтлек саклау идарәсе җитәкчесе Ренат Шакиров ассызыклаганча, медицина учреждениеләренең үсеш алган челтәре районның аермалы үзенчәлеге булып тора, бу Әлмәттә яшәүчеләргә, өйләреннән ерак китмичә, беренчел медик-санитар, махсуслаштырылган һәм югары технологияле медицина ярдәмен алырга мөмкинлек бирә.

Быел төп сәбәпләрдән үлүчеләр саны кимүнең уңай динамикасы билгеләнә, шул исәптән: кан әйләнеше системасы авыруларыннан үлүчеләр саны 28,4% ка, миокард инфарктыннан 41,8% ка, сулыш алу органнарыннан 31,2% ка, тышкы сәбәпләрдән 6,3% ка кимегән.

Диспансерлаштыру авыруларны профилактикалауда мөһим момент булып кала. 2022 елда диспансерлаштыруның беренче этабын 50 меңнән артык кеше узды, шуларның 12 меңнән артыгы тирән тикшерү өчен икенче этапка җибәрелгән. Тикшерелгәннәрнең өчтән берендә авырулар үсеше өчен куркыныч факторлар ачыкланган. Авыруны кисәтү дәвалауга караганда һәрвакыт җиңелрәк.

Очрашу сәламәтлек саклау системасында намуслы хезмәтләре һәм медицина ярдәмен күрсәтүдә ирешкән уңышлары өчен иң яхшы хезмәткәрләрне бүләкләү тантанасы белән тәмамланган.

Фото: Әлмәт районы башлыгы матбугат хезмәте