Зәй районы яшьләре Әлмәтнең «Нур» яшьләргә психологик ярдәм үзәгенә йөри алачак
Әлмәт һәм Зәй арасында хезмәттәшлек турында килешү имзаланды.
«Нур» үзәгендә Әлмәт районы балалар һәм яшьләр эшләре идарәсе башлыгы Илнур Фәсхетдинов һәм Зәй районы яшьләр эшләре идарәсе башлыгы Ростислав Аладышкин очрашты. Бу хакта район башлыгының матбугат хезмәте хәбәр итә.
Зәй районы яшьләренең профилактик чаралар белән «Нур» яшьләргә психологик ярдәм үзәгенә бару, заманча психология, аның юнәлешләре белән танышу мөмкинлеге бар. Үзәк белән хезмәттәшлек турында килешү имзаланды.
Бу күрше район яшьләре өчен психологик сәламәтлеген саклау, үзләре өчен күп яңалыклар белү, үзләрен яңа яктан аңлау һәм ачу өчен бик яхшы мөмкинлек.
Фото: Әлмәт районы башлыгының матбугат хезмәте
Следите за самым важным и интересным в Telegram-каналеТатмедиа
Оставляйте реакции
